गोरखपुरिया भोजपुरिया परिवार

भोजपुरी माई के भाषा ह । ई अपने आप में विश्व के सबसे समृद्ध भाषा हवे। एकर मिठास आ भाव व्यक्त कईले के अद्भुत क्षमता एके सबसे अलग बनावे ले । बहुत दुख होला जब भोजपुरी भाषा के लोग कमतर आंकेलें आ बोलले में लजालें । जब देश के अन्य राज्यन में उहां के स्थानीय भाषा आ बोली के प्रयोग सम्मान के साथ होला आ लोग अपने भाषा के अपने सम्मान के साथ जोडलें त हम भोजपुरी भाषी लोग काहे न क सके ले । एही सोच के साथ गोरखपुरियां भोजपुरिया समूह बनावल गइल।

एक समूह में पिछले 5 साल में 1500 से अधिक लोग जुड़ल बाड़े । हमहन के ई मानल जाला कि भासा बोलले से ही जीयत रहेले । बौद्धिक आ राजनीतिक विमर्श अलग विषय ह जेह पर बहुत लोग आ संस्था काम करत बाड़ी । पर कुल कईल करावल व्यर्थ हो जाई जब लोग बोलले छोड़ दीहें ।। हमहन के पूरा प्रयास भोजपुरी बोलले , बोलवउले आ गर्व के साथ अपने से जोड़े के बा।